Pista sa Dagat !

Mga Hulagway ug Sulat ni Daryl M. Tolero

Atong Mayo 18-19 karung tuiga mao ang “Fisher’s Folks Day” nga gina celebrate sa mga igsuon nato nga mga mananagat sa Brgy. Lapinig sa Kapatagan,Lanao del Norte sa ilahang pantalan. Malipayun ug abtik nga nangandam ang mga tawo nga me sakay sa ilang mga sakayan nga mangadto sa bukana.

 

Mao kini ang mga opisyales sa Brgy. Lapinig nga nagpasimugna sa Fisher’s Folks Day nga gipanganlan nla ug Pista sa Dagat. Ang lalaki nga naka vest ug nagkalo, gi patung-an sa mga babayi mao ang Kapitan sa Brgy.Lapinig ug ang uban niyang kauban mao ang iyahang mga konsehales sa Baranggay.

Ang ilang tema sa mao nga selebrasyun kay “Katawhan: Kahinguhaan Ampingan ug Protektahan Alang sa Malahutayong Panginabuhian”. Samtang galarga ang sakayan gigunitan ug ayo sa usa ka  tanod ang maong streamer para mabasa sa mga katawhan ang tema ug ma awhag kini ug makamata nga dli lang kini usa ka ordinaryo nga okasyun ang Fisher’s Folks Day, pahinumdum kini sa mga tawo nga ampingan nato ang atoang palibut ug panginabuhian para mapuslan pa kini sa atoang mga sumosunod nga henerasyun.

 

Ang mga bata me kuyog pud usab sa selebrasyun, bisan sa ilang pagkabata nagpakita sila ug suporta ug nakasabot unsay tumong ani nga kalihukan. Puhon damlag sila na ang mo padaun ani nga tradisyun ug mo pasa sa mga bag-ong tubo.

 

Gamit iyang sakayan nga igu ra masakyan ug usa ka tawo gipadala ug gipatambung si Konsehal sa Lungsod sa Kapatagan si Hon. Liczar O. Basinillo (SB Member) nga mao ang mo representa ni Mayor Atty. Benjie Y. Baguio (Amahan sa Lungsod sa Kapatagan) nga naga pakita ug suporta sa Fisher’s Folks Day or Pista sa Dagat.

Pag abot naku sa lugar nga diin kami mohunong ug magtapok ug  pagasugdan ang programa, nakita naku ning mga lima (5) kabata sakay sa ilang karaan nga banka. Kining mga bataa dri sila gapuyo sa Bukana gitawag kining lugara ug Purok Dies. Lisud ang ilang kuhaanan ug mainum nga tubig ky kinahanglan pa e sakay ug sakayan, maayo gani ky aduna nay Kalahi sa DSWD nga ilang proyekto ky Potable Water, duol duol na ang ilang kwaanan ug tubig.



 

Ang mga tawo  consentrate pag ayu nga nag tan-aw sa lumba sa mga sakayan, kini ang pinaka hi-light sa Fisher’s Folks Day or Pista sa Dagat ang paglumba sa mga sakayan. Nangimbitar kini ang taga Brgy. Lapinig sa silingan nilang mga baranggay nga mo apil sa lumba sa mga gagmay nga sakayan.Nabuhong ko ug kinaon ug Alimango ug Pansat, nasayod ba kamo sa tibuok Region 10 ang Kapatagan mao ang largest producer sa alimango ug pansat!

 

Walay pamiluk nga nag tan aw ang mga tawo sa kakusog sa mga galumba ug naglukso lukso kini sa tubig tungud sa kusog sa ilang dagan. Saksi ako ni ining panghintabua walay kabutangan ang ilang excitement sa ilang nakita. Salamat sa Amahan sa Lungsod sa Kapatagan si Mayor Atty. Benjie Y. Baguio sa pag sponsor sa krudo, ug labaw magpasalamat kita sa atoang Ginoo nga walay nahintabo nga disgrasya  sa panaglumba.

 

Ang Panguil Bay, sa tibuok Lanao del Norte isa ang Kapatagan sa adunay Fish Sanctuary nga diin naga pangitlog ang mga klase klaseng isda nga makita dri sa Panguil Bay. Kanunay kining gipabantayan sa Local Goverment Unit sa Kapatagan, ginabawal dri ang pag pangisda ug labi na gyud pag gamit ug dinamita.

It’s more FUN  dri sa Brgy. Lapinig ! kung mabisita ug ma sinati nmu ang kanindut sa sa Coastal Area sa KAPATAGAN !!